Oralda qos avtokólik soqtyǵysyp, bir adam qaza tapty
ORAL. QazAqparat – Oralda qos avtokólik soqtyǵysyp, bir adam qaza tapty, dep habarlaıdy QazAqparat tilshisi.
Oqıǵa keshe túnde Jáńgir han kóshesi boıyndaǵy «Jazıra» aıaldamasy mańynda boldy. «Mersedes» «VAZ-2110» avtokóligimen soqtyǵysty.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, sonyń saldarynan «Mersedes» avtokóligi «Fenıks» saýda úıi aldynda aýdarylyp qalǵan.
Jedel járdem saǵat 22.46-da shaqyrylyp, eki brıgada bes mınýttan keıin jetti. 25 jasar jigit jedel járdem kelgenge deıin kóz jumdy.
1995 jáne 1981 jylǵy er adamdar qalalyq kópbeıindi aýrýhanaǵa jetkizildi. Eti kógergen 1981 jylǵy er adam ambýlatorlyq em alýǵa jiberildi. Jambasy shyqqan 1995 jylǵy jigit aýrýhanaǵa jatqyzyldy.
Oblystyq polıtsııa departamentiniń baspasóz qyzmeti oqıǵanyń bolǵanyn rastap, málimettiń keıin beriletinin jetkizdi.
