Oralda qos avtokólik soqtyǵysyp, alty adam zardap shekti
ORAL. QazAqparat - Oralda qos avtokólik soqtyǵysyp, alty adam zardap shekti, dep habarlaıdy QazAqparat tilshisi.
Oqıǵa búgin Soltústik-shyǵys shaǵyn aýdanynda Jelaev jolynda boldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 07.28-de, sodan keıin ekinshi brıgada 07.40-ta shaqyryldy.
1965 jylǵy áıel, 1998 jáne 1999 jylǵy qyzdar, 1961, 1985 jáne 1990 jylǵy er adamdar qalalyq kópbeıindi aýrýhanaǵa jetkizildi.
Jabyq bas-mı jaraqatyn alǵan 21 jasar qyz aýrýhanaǵa jatqyzyldy. Qalǵandarynyń deneleri kógergen, dárigerler qaraǵannan keıin úılerine jiberildi.
Qazirgi kezde oqıǵanyń jaı-japsary anyqtalý ústinde.
