Oralda qos avtokólik soqtyǵysyp, 6 adam jaraqat aldy
ORAL. QazAqparat - Oralda qos avtokólik soqtyǵysyp, alty adam jaraqat aldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa keshe keshkisin Zachagan kentindegi E.Brýsılovskıı kóshesi boıynda bolǵan.
«Sharan» men jeńil avtokólik túıisip, jedel járdem saǵat 20.43-te shaqyrtyldy. Oqıǵa ornynda eki brıgada jumys istedi. Aldyn ala málimet boıynsha 1997 jylǵy eki jigit jabyq bas-mı jaraqatyn alǵan. Onyń bireýi qalalyq kópbeıindi aýrýhananyń hırýrgııalyq, ekinshisi jaraqat bólimine jatqyzyldy. 1969 jáne 1960 jylǵy er adamdar, 1997 jáne 1998 jylǵy jigitter ambýlatorlyq emdeýge jiberildi. Oblystyq polıtsııa departamentiniń baspasóz qyzmeti oqıǵany rastap, málimettiń keıin beriletinin jetkizdi.
Eske sala keteıik, budan buryn Oralda avtobýs avtokólikpen soqtyǵysyp, eki adam jaraqat alǵan bolatyn.
