Oralda qos avtokólik soqtyǵysyp, 2 adam jaraqat aldy
ORAL. QazAqparat - Búgin Oralda qos avtokólik soqtyǵysyp, eki adam jaraqat aldy, dep habarlaıdy QazAqparat tilshisi.
Oqıǵaǵa kýá bolǵan adamdardyń sózine qaraǵanda, Jáńgir han kóshesi boıynda, qaladan Zachagan kentine barar joldaǵy Shaǵan ózeninen ótetin kópir mańynda «Lada Prıora» jáne «VAZ-2114» avtokólikteri soqtyǵysty.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 17.10-da shaqyryldy. Jedel járdem brıgadasy bes mınýttan keıin jetken.
Aldyn ala derek boıynsha 1984 jylǵy er adamnyń eki qabyrǵasy synǵan. 1986 jylǵy er adamǵa aldyn ala jabyq bas-mı jaraqaty dıagnozy qoıylyp otyr. Olardyń ekeýi de oblystyq aýrýhanaǵa jetkizildi.
Qazirgi kezde oqıǵanyń jaı-japsary anyqtalý ústinde.
