Oralda qorshaǵan ortany qorǵaýǵa arnalǵan halyqaralyq konferentsııa ótedi
ORAL. QazAqparat - 26 shilde kúni Oral qalasynda Jaıyq kúni aıasynda «Qorshaǵan ortanyń jaǵdaıyn jaqsartýdaǵy áıelderdiń róli» atty halyqaralyq forým ótedi, dep habarlaıdy «QazAqparat» tilshisi.
BQO ishki saıasat basqarmasynan túsken málimetke qaraǵanda, atalmysh shara 2016 jyly 4 qazanda Qazaqstan men Reseı úkimetteri arasynda qol qoıylǵan transshekaralyq ózenderdiń ekojúıesin saqtaý jónindegi kelisim aıasynda bolmaq. Sondaı-aq bul Qazaqstan men Reseı birlesip bıyl 21-inshi ret ótkizip otyrǵan Jaıyq ózeni boıymen tarıhı-mádenı, ekologııalyq ekspedıtsııasynyń zańdy jalǵasy bolyp tabylady.
Bıylǵy 11 naýryzda BQO ákimi Altaı Kólginov pen Orynbor oblysynyń gýbernatory ıÝrıı Berg Jaıyq ózeni týraly hattamaǵa qol qoıyp, jyl saıyn Jaıyq kúnin ótkizýge kelisken bolatyn.
QR Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııa Qazaqstandaǵy BUU damý baǵdarlamasy aıasynda BQO ákimdigimen birlesip uıymdastyryp otyrǵan forýmnyń basty maqsaty - Jaıyq ózeniniń ekojúıesin saqtaý, jaqsartý, «Jasyl ekonomıkany» damytý.
Forýmǵa Reseı Federatsııasynyń Bashqurtstan respýblıkasynan, Orynbor, Saratov, Chelıabi, Qazaqstannyń Aqtóbe, Atyraý oblystarynan, halyqaralyq úkimettik emes uıymdardan, jergilikti jáne ortalyq atqarýshy organdardan 300-deı adam qatyspaqshy.
Áıel kásipkerlerdi «Jasyl ekonomıkany» damytýǵa tartý - forýmnyń negizgi taqyryptarynyń biri. Sonymen qatar Reseıdegi «Ekologııa jyly-2017», Astanadaǵy «EKSPO-2017» halyqaralyq kórmesi aıasynda ekonomıkanyń jetekshi salasy - «jasyl» tehnologııa jónindegi birlesken jobalardy júzege asyrý máselesi talqylanbaq. Oǵan qosa týrızm salasyndaǵy bıznesti damytý, qyzmet kórsetý, sývenırlik ónimderdi óndirý, qonaq úı bıznesi syndy máseleler ortaǵa salynatyn bolady.
Aıta keteıik, Jaıyq ózeni boıymen dástúrli HHІ tarıhı-mádenı, ekologııalyq ekspedıtsııasy (basshysy Elena Tarasenko) bıyl Orynbor oblysynyń Podstepkı aýylynan bastaý aldy. Birneshe kúnge sozylatyn ekspedıtsııa barysynda Batys Qazaqstan oblysynyń Bórli, Shyńǵyrlaý, Terekti aýdandarynyń Ýspenov, Jańatalap, Jarsýat, Aqsýat aýyldarynda, sondaı-aq Oral qalasynyń Jelaev, Zachagan kentterinde jergilikti turǵyndarmen kezdesýler, túrli mádenı-sporttyq sharalar ótkizilmek.
