Oralda koronavırýs juqtyrǵan adam tirkeldi degen jalǵan habar tarady
ORAL. QazAqparat – Oralda koronavırýs juqtyrǵan adam tirkeldi degen jalǵan aqparat tarady, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentinen túsken málimetke qaraǵanda, WhatsApp jelisinde taraǵan aýdıojazbada qalaǵa qarasty Jelaev kentiniń turǵynynan koronavırýs anyqtalyp, aýrýhanaǵa túskendigi aıtylǵan.
Bul – jalǵan aqparat. Qazirgi tańda koronavırýsqa qolaısyz elderden kelgen 19 adam turaqty baqylanýda.
Óńirde epıdemıologııalyq jaǵdaı turaqty, koronavırýs juqtyrǵandar joq.
«Azamattarǵa tek resmı málimetke sený kerektigin, al jalǵan aqparat taratqandardyń qylmystyq jaýapkershilikke tartylatynyn eskertemiz», dep habarlady departamenttiń baspasóz qyzmeti.
Eske sala keteıik, budan buryn BQO-da 148 adamnyń medıtsınalyq baqylaýǵa alynǵanyn jáne tótenshe jaǵdaı talabyn buzǵan 8 meıramhana ıesiniń qamaýǵa alynǵanyn jazǵan bolatynbyz.
