Oralda koronavırýs týraly jalǵan habar taratqan áıelge qatysty qylmystyq is qozǵaldy
ORAL. QazAqparat – Oralda koronavırýs tirkeldi dep, jalǵan habar taratqan áıelge qatysty qylmystyq is qozǵaldy, dep habarlaıdy QazAqparat tilshisi.
BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń aıtýynsha, atalǵan turǵyn WhatsApp áleýmettik jelisi arqyly aýdıojazbamen koronavırýsqa qatysty jalǵan habar taratqan.
Atalǵan derek boıynsha QR QK 274-baby 4-bóligi 2-tarmaqshasyna sáıkes (kórineý jalǵan aqparat taratý) sotqa deıingi tergeý bastaldy.
«Bul bap boıynsha aıypty dep tanylǵan adamǵa qatań jaza qoldanylady. ıAǵnı tótenshe jaǵdaı kezinde nemese urys jaǵdaıynda sondaı-aq soǵys ýaqytynda ne jarııa is-sharalar ótkizý kezinde jasalǵan is-áreketter úsh jyldan jeti jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady. Basqa balama jaza qarastyrylmaǵan», dedi QazAqparat tilshisine B.Belgibekov.
Eske sala keteıik, budan buryn Oralda koronavırýs juqtyrǵan adam tirkeldi degen jalǵan habar taraǵanyn jazǵan bolatynbyz.
