Oralda koronavırýs anyqtaldy - feık
ORAL. QazAqparat – Oralda koronavırýs týraly jalǵan habar taratqan áıel ustaldy, dep habarlaıdy QazAqparat tilshisi.
BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń málim etkenindeı, keshe jedel izdestirý sharalary barysynda 1986 jylǵy qala turǵyny anyqtalyp, qolǵa tústi.
Áıel BQO polıtsııa departamentiniń tergeý basqarmasyna jetkizildi. Ol «Oral koronavırýs anyqtaldy, túnde qala mańyndaǵy Jelaev kentinde áıel aýrýhanaǵa tústi» dep jalǵan habar taratqan bolatyn.
Qazirgi kezde QR QK 274-baby 4-bóligi 2-tarmaǵyna sáıkes tergeý amaldary jalǵasýda.
Eske sala keteıik, budan buryn Oralda koronavırýs týraly jalǵan habar taratqan áıelge qatysty qylmystyq is qozǵalǵanyn jazǵan bolatynbyz.
