Oralda kópqabatty úıdiń aýlasynda kórshiler jappaı tóbelesken
ORAL. QazAqparat – Oralda kópqabatty úıdiń aýlasynda kórshiler jappaı tóbelesken, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, 25 mamyr kúni saǵat 22.00-de 102 telefonyna kópqabatty úıdiń aýlasynda kórshiler arasynda janjal týyndap jatqany jóninde habar túsken.
«Patrýldik jasaq oqıǵa ornyna kelgennen keıin janjalǵa qatysýshylardyń quqyqqa qaıshy is-áreketteri tyıyldy. Aldyn ala málimet boıynsha birneshe adamnyń dene jaraqatyn alǵany belgili boldy. Aldymen balalar ózara sózge kelgen. Sodan keıin ata-analar kirisip, urys-keris judyryq jumsaýǵa ulasqan. Janjalǵa qatysýshylar men kýágerler suralýda. Tolyq aqparat keıin beriletin bolady», dep habarlady vedomstvodan.
Eske sala keteıik, budan buryn Batys Qazaqstanda mektep túlegi sýǵa ketkenin jazǵan bolatynbyz.
