Oralda kópqabatty úıdegi órtten 14 adam evakýatsııalandy
ORAL. QazAqparat – Oralda kópqabatty úıdegi órtten 14 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 15 qańtar kúni shamamen saǵat 04.10-da ıÝ.Gagarın kóshesi 46/1-mekenjaıynda boldy.
Tórt qabatty úıdiń úshinshi qabatynda ornalasqan №22 páterde jıhazdar, jeke zattar jáne turmystyq tehnıka otqa orandy. Órt aýmaǵy 15 sharshy metrdi qamtydy.
Órt sóndirýshilerdiń jedel qımyldaýy nátıjesinde oqıǵa ornynan 14 adam qaýipsiz jerge shyǵarylsa, sonyń úsheýi – bala.
«Tilsiz jaýdy» aýyzdyqtaýǵa 12 adam, 5 tehnıka jumyldyrylyp, órt 05.10-da tolyqtaı sóndirildi.
Qazirgi kezde órttiń shyǵý sebebi, keltirilgen shyǵyn anyqtalý ústinde. Departamenttiń memlekettik órt baqylaý basqarmasynyń aǵa ınjeneri Saǵdat Ánestiń aıtýynsha, jyl basynan beri oblysta 19 órt tirkeldi.
Eske sala keteıik, budan buryn Batys Qazaqstanda qatty jeldiń aýdandyq aýrýhananyń shatyryn julyp túsirgenin jazǵan bolatynbyz.
