Oralda kópqabatty úıde órt shyǵyp, 25 adam evakýatsııalandy
ORAL. QazAqparat – Oral qalasynda kópqabatty úıde órt shyǵyp, 25 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, 27 naýryz kúni saǵat 23.28-de L.Mırzoıan kóshesi 2/1-mekenjaıynda kópqabatty úıde órt shyqqany jóninde habar tústi.
Oqıǵany barlaý barysynda 5-qabattaǵy 89-páterde jeke zattar men jıhazdyń janyp jatqany anyqtaldy.
Úıden barlyǵy 25 adam shyǵarylsa, sonyń tórteýi – balalar.
Zardap shekkender joq.
«Tilsiz jaý» saǵat 00.15-te aýyzdyqtaldy.
Qazirgi kezde órttiń shyǵý sebebi, keltirilgen shyǵyn anyqtalý ústinde.
Eske sala keteıik, budan buryn Oralda birneshe úıge sý kirý qaýpi tóngenin jazǵan bolatynbyz.
