Oralda kópqabatty úıdiń tóbesinen qulaǵan eki jasóspirim mert boldy
ORAL. KAZINFORM — Oral qalasynda kópqabatty úıdiń tóbesinen qulap ketken eki jasóspirim kóz jumdy.
BQO polıtsııa departamentiniń baspasóz qyzmetinen málim etkenindeı, atalǵan derek boıynsha sotqa deıingi tergeý amaldary júrgizilip jatyr.
Qazirgi kezde oqıǵanyń tolyq mán-jaıy men sebepteri anyqtalyp jatyr.
— Tergeý barysy BQO polıtsııa departamenti basshylyǵy men oblys prokýratýrasynyń baqylaýynda. Basqa aqparat QR Qylmystyq-protsestik kodeksiniń 201-babyna sáıkes jarııa etýge jatpaıdy, — dep habarlady vedomstvodan.
Turǵyndardyń sózine qaraǵanda, qaza tapqan jasóspirimderdiń biri 16, ekinshisi 14 jasta.
Eske sala keteıik, budan buryn BQO polıtsııasy áıel adamnyń ólimine qatysty asa aýyr qylmysty ashqanyn jazǵan edik.
