Oralda kópqabatty úıdiń terezesinen qulap ketken 11 jastaǵy bala jansaqtaý bóliminde jatyr

Oralda kópqabatty úıdiń terezesinen qulap ketken 11 jastaǵy bala jansaqtaý bóliminde jatyr, dep habarlaıdy Kazinform. 

BQO densaýlyq saqtaý basqarmasynyń baspasóz qyzmetinen túsken málimetke qaraǵanda, oqıǵa 9 jeltoqsan kúni D.Qonaev shaǵynaýdany 52/2-úıde bolǵan.

«Jedel járdem saǵat 23.38-de shaqyryldy. Qalalyq kópbeıindi aýrýhanada jatqan balanyń jaǵdaıy óte aýyr. Jansaqtaý bóliminde esin jımaǵan jasóspirim jasandy tynys alý apparatyna qosylǵan», - dep habarlady vedomstvodan.

Kýágerlerdiń sózine qaraǵanda, balanyń qaı qabattan qulaǵany belgisiz. Ata-anasy qasynda bolmaǵan.

BQO polıtsııa departamenti baspasóz qyzmetiniń naqtylaýynsha, 2012 jylǵy bala 9-qabattyń balkonynan sekirip ketip, aýlada turǵan avtokóliktiń ústine túsken.

Qazirgi kezde QR QK 105-baby 3-bóligine (ózin-ózi óltirýge deıin jetkizý) sáıkes sotqa deıingi tergeý amaldary júrgizilip jatyr.

Eske sala keteıik, budan buryn Oralda toǵyz jastaǵy balany sheshindirý oqıǵasyna qatysty tergeý júrgizilip jatqanyn jazǵan edik.