Oralda kópqabatty úıden órt shyǵyp, 14 adam evakýatsııalandy
ASTANA. KAZINFORM - Búgin tańerteń, Zachagan eldi mekeninde, Temirtaý kóshesinde, 5 qabatty turǵyn úıdiń kireberisinen órt shyqty, dep habarlaıdy QR Tótenshe jaǵdaılar mınıstrliginiń baspasóz qyzmeti.
- Sýyq sý qubyrynyń aǵash qoraby órtendi. TJD qyzmetkerleri oqıǵa ornyna shuǵyl jetip, 14 adamdy, onyń ishinde 5 balany, baspaldaq arqyly evakýatsııalady. Órt sóndirildi. Zardap shekkender joq. Órttiń shyǵý sebepteri anyqtalyp jatyr, - dep habarlady TJM baspasóz qyzmeti.
Sonymen qatar búgin túnde Astanada Saryarqa aýdany Zemlıanıchnaıa kóshesinde saıajaıda turǵyn úıden órt shyqty. Órt sóndirý bólimsheleri kelgen sátte úıdiń aýmaǵynda ashyq jalyn sharpyǵan. TJD kúshterimen órt oshaǵynan tórt gaz ballony shyǵarylyp, yqtımal jarylystyń aldyn alýǵa múmkindik týdy. Turǵyn úı aýmaǵyndaǵy garaj jáne dúkenniń órti 200 sh.m. aýmaqta tolyq sóndirildi.
Sondaı-aq Semeı qalasynda 1-Lodochnaıa kóshesinde jer úıden órt shyqty. Órt sóndirý barysynda TJM qyzmetkerleri úı ishinen bir gaz ballonyn tapty. Jarylys qaýpi týyndap, qutqarýshylar gaz ballonyn dereý órt aımaǵynan shyǵaryp, sondaı-aq garajdan jeńil avtokólikti syrtqa shyǵardy. Órt tolyǵymen sóndirildi. Zardap shekkender joq. Sebebi anyqtalyp jatyr.
Osyǵan deıin Mańǵystaýda órt sóndirý kóligi turǵyn úıge soǵylyp, eki adam qaza tapqany týraly jazdyq.