Oralda kópirdiń astynan jas jigittiń máıiti tabyldy
ORAL. QazAqparat – Oralda kópirdiń astynan jas jigittiń máıiti tabyldy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, azıat pishindes jigittiń máıiti búgin saǵat 07.01-de qalaǵa qarasty Derkól kentindegi kópirdiń astynan tabylǵan.
Jasy shamamen 17-de.
BQO polıtsııa departamentiniń baspasóz qyzmeti bolǵan oqıǵany rastap, qazirgi kezde jedel tergeý toby jumys jasap jatqanyn jetkizdi.
«Marqumnyń kim ekendigi anyqtalǵannan keıin aqparat beremiz», dedi departamenttiń baspasóz qyzmeti.
Eske sala keteıik, budan buryn Oralda er adamnyń gazdan ýlanyp kóz jumǵanyn jazǵan bolatynbyz.
