Oralda kópirden sekirmek bolǵan qyzdy jolaı ótip bara jatqan er adam qutqaryp qaldy
ORAL. QazAqparat - Oralda kópirden sekirmek bolǵan 19 jastaǵy qyzdy er adam qutqaryp qaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 29 sáýir kúni Terekti aýdany Podstepnyı aýylyna barar joldaǵy Jaıyq ózeninen ótetin kópirde oryn alǵan.
19 jastaǵy qyz kópirden sekirmek bolǵan. Abyroı bolǵanda, sol tustan ótip bara jatqan er adam ony qutqaryp qalǵan. Sodan keıin polıtsııa qyzmetkerlerin shaqyrǵan. Qyzdyń ata-anasy da kelgen.
Qazirgi kezde qyzdyń nelikten mundaı qadamǵa barǵany, ony qutqaryp qalǵan adamnyń kim ekeni anyqtalý ústinde.
