Oralda kópirde tórt avtokólik soqtyǵysyp, sonsha adam zardap shekti
ORAL. QazAqparat – Oralda kópirde tórt avtokólik soqtyǵysyp, sonsha adam zardap shekti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 8 naýryz kúni saǵat 11.45 shamasynda birinshi jáne ekinshi saıajaı qaýymdastyǵy arasyndaǵy kópirde boldy.
Terekti aýdany Podstepnyı aýyl baǵytyndaǵy jolda eki «Folksvagen Passat», «Toıota» jáne «VAZ-21015» avtokóligi túıisti.
«VAZ-21015» avtokóligi kúrt toqtap, artqy kólikter bir-birine soqtyǵysqan.
Oqıǵa saldarynan «VAZ-21015» avtokóliginiń 1975 jylǵy júrgizýshisi, 1967 jylǵy jolaýshy áıel, 1995 jylǵy qyz oblystyq aýrýhananyń jaraqat pýnktine jetkizildi. Dárigerler qaraǵannan keıin olar úılerine jiberildi.
Barlyq avtokólikter arnaıy turaqqa qoıyldy. Jol erejesin buzǵan júrgizýshi ákimshilik jaýapkershilikke tartylatyn bolady.
Oblystyq densaýlyq saqtaý basqarmasynyń naqtylaýynsha, jol apatynan tórt adam zardap shegip, olardyń bári oblystyq kópbeıindi aýrýhanaǵa jetkizildi. Sonyń ishinde bireýi aýrýhanaǵa jatqyzyldy.
