Oralda kópir ústinde avtokólik janyp ketti
BQO TJ departamentiniń baspasóz qyzmeti málim etkendeı, oqıǵa 22 qarasha kúni saǵat 17.32-de 3-saıajaı aýdanynda boldy.
Kópir ústinde 51 jastaǵy azamatqa tıesili «Nıssan Premera» avtokóligi otqa orandy.
Zardap shekkender joq.
«Tilsiz jaý» №2 órt sóndirý bólimshesiniń kúshimen (6 adam, 1 tehnıka) saǵat 17.50-de oqshaýlanyp, 18.00-de aýyzdyqtaldy.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.
Departament málimetine qaraǵanda, jyl basynan beri oblys boıynsha 91 avtokólik órtendi.
BQO polıtsııa departamentiniń baspasóz qyzmeti avtokóliktiń júrip kele jatyp janǵanyn, odan 51 jastaǵy júrgizýshi men 36 jastaǵy jolaýshynyń shyǵyp úlgergenin jetkizdi.
Eske sala keteıik, budan buryn Oralda avtokólikten túk qalmaı janyp ketkenin, toǵyz qabatty úıdegi órtten 30 adamnyń evakýatsııalanǵanyn jazǵan bolatynbyz.