Oralda kóp qabatty úıdiń terezesinen qulap ketken bala tiri qaldy
ORAL. QazAqparat - Oral qalasynda 7 qańtar kúni tańerteń saǵat 07.55-te kóp qabatty úıdiń terezesinen tórt jasar bala qulap ketken, dep habarlaıdy «QazAqparat» HAA tilshisi.
BQO densaýlyq saqtaý basqarmasynyń baspasóz hatshysy Flıýra Samatovanyń aıtýynsha, bala jabyq bas-mı jaraqatyn alǵan, oǵan qosa keýde tusy zaqymdanǵan. Qazirgi kezde ol oblystyq aýrýhanada emdelýde. Búldirshinniń ómirine qaýip tónip turǵan joq.
