Oralda konteınerden tabylǵan er adam múrdesi boıynsha kúdikti qolǵa tústi
ORAL. QazAqparat - Oralda konteınerden tabylǵan er adam múrdesi boıynsha kúdikti ustaldy, dep habarlaıdy QazAqparat tilshisi.
BQO ishki ister departamenti baspasóz qyzmetinen túsken málimetke qaraǵanda, 9 sáýir kúni saǵat shamamen 08.45-te «Sheber» bazary mańynda zorlyq belgilerimen óltirilgen er adam múrdesi tabylǵan edi.
Oral qalalyq ishki ister basqarmasy Abaı polıtsııa bólimi qyzmetkerleri júrgizgen jedel izdestirý sharalary barysynda M. degen kúdikti anyqtalyp, qolǵa tústi.
Atalǵan derek boıynsha QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilýde.
Eske sala keteıik, Oralda konteınerden er adamnyń múrdesi tabylǵany jóninde budan buryn habarlanǵan bolatyn.
foto:sp-info.ru
