Oralda konteınerden er adamnyń múrdesi tabyldy
ORAL. QazAqparat - Búgin tańerteń Oral qalasynda «Sheber» bazary janyndaǵy konteınerden er adamnyń múrdesi tabyldy, dep habarlaıdy QazAqparat tilshisi.
Máıitti áýeli aýla sypyrýshylar kórip, ishki ister organyna habarlaǵan.
«Qazirgi kezde oqıǵanyń mán-jaıyn krımınalıster men tergeýshiler anyqtaý ústinde», dedi BQO ishki ister departamentiniń baspasóz hatshysy Ibragım Júsipqalıev.
Aıta keteıik, qalada jeksenbi kúni áıel adamdy óltirý deregi tirkelgen bolatyn. Іshki ister departamenti eki fakti boıynsha tolyq málimet keıinirek beriletinin málimdedi.
