Oralda konfessııaaralyq kelisim komıýnıtı ortalyǵy ashyldy
ORAL. KAZINFORM — Oral qalasynda konfessııaaralyq kelisimdi nyǵaıtý men dinı turaqtylyqty qamtamasyz etýge baǵyttalǵan YNTYMAQ komıýnıtı ortalyǵy paıdalanýǵa berildi. Onyń ashylý rásimine oblys ákimi Narıman Tóreǵalıev qatysty, dep habarlaıdy BQO ákiminiń baspasóz qyzmeti.
Jańa alańda din salasyndaǵy máseleler «bir tereze» qaǵıdaty boıynsha qarastyrylady. Basty maqsat — óńirdegi dinı birlestikter arasyndaǵy syndarly baılanysty nyǵaıtyp, destrýktıvti ıdeologııalarǵa qarsy turýdyń zamanaýı tetikterin jetildirý. Munda azamattarǵa zańgerlik jáne teologııalyq keńester berilip, konfessııa ókilderiniń basyn qosatyn ashyq dıalog alańy jumys isteıdi. Sondaı-aq, mamandar óńirdegi dinı ahýalǵa keshendi taldaý men monıtorıng júrgizedi.
Mekeme dırektory Meırambek Kabdollın aımaq basshysyna óńirdegi dinı ahýaldy zerdeleýge arnalǵan YNTYMAQ BQO mobıldi qosymshasynyń múmkindikterin tanystyrdy. Bul tsıfrlyq júıe 6 negizgi baǵytty, atap aıtqanda aqparattyq aldyn alý haby, «All jaýap berýshi» chat-boty, «Stop radıkalızm» aıdary, «DinGIS» kartasy, jedel jeli jáne «Kıber qorǵan» sektorlaryn qamtıdy.
Qazirgi tańda ortalyqta 24 maman turaqty jumys isteıdi. Olar «Kıberqadaǵalaý» júıesi arqyly ınternet keńistigindegi kúmándi saıttar men teris baǵyttaǵy jarııalanymdardy buǵattaý tetikterin is júzinde kórsetti. Mundaı tehnologııalyq sheshimder aqparattyq qaýipsizdikti kúsheıtýge jáne destrýktıvti aǵymdardyń aldyn alýǵa baǵyttalǵan. Bul qadam óńirdegi rýhanı turaqtylyq pen konfessııaaralyq tatýlyqty saqtaýda mańyzdy ról atqarady.
Ortalyq qyzmetimen tanysqan oblys ákimi mundaı alańnyń mańyzyn atap ótti.
— Óńir halqy Memleket basshysy Qasym-Jomart Toqaevtyń Ádiletti Qazaqstandy qurý jolyndaǵy saıasatyna birtutas ult retinde senimdi tirek bolyp keledi. Al, dinaralyq jáne konfessııaaralyq kelisim men tatýlyq — basty qundylyqtardyń biri. Bul baǵyttaǵy keshendi sharalar jalǵasa beredi, — dedi Narıman Tóreǵalıev.
