Oralda kondıtsıoner ornatyp jatqan er adam 9-qabattan qulap ketti
ORAL. QazAqparat – Oralda jas jigit toǵyzynshy qabattan qulap ketip, kóz jumdy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkenindeı, oqıǵa búgin, shamamen saǵat 20.00-de D.Qonaev shaǵynaýdanyndaǵy 56-úıde boldy.
29 jastaǵy jigit kondıtsıoner qondyrý kezinde 9-qabattan qulap ketip, oqıǵa ornynda qaza tapty.
Jedel tergeý toby oqıǵanyń mán-jaıyn anyqtaý ústinde.
Oblystyq Densaýlyq saqtaý basqarmasynyń naqtylaýynsha, jedel járdem saǵat 20.03-te shaqyrylyp, brıgada eki mınýttan keıin jetti.
Jas jigit jedel járdem kelgenshe jan tapsyrdy. Ol kondıtsıoner qondyratyn jaldamaly jumysshy bolǵan.
Eske sala keteıik, budan buryn Oralda 2 avtokólik soqtyǵyp, eki adamnyń jaraqat alǵanyn jazǵan bolatynbyz.
