Oralda qolóner sheberleriniń kórmesi ótti
ORAL. QazAqparat - Astana kúnine oraı Oraldaǵy D.Nurpeıisova kóshesi boıynda «Aqjaıyq - sheberler qalasy» atty qolóner sheberleriniń kórmesi ótti, dep habarlaıdy «QazAqparat» tilshisi.
Oblys pen qala basshylyǵynyń qoldaýymen BQO Azamattyq alıansy uıymdastyrǵan kórmede elýden astam qolóner, músin jáne qylqalam sheberleri óz týyndylaryn usyndy.
Atalmysh alıans jetekshisi Aıgúl Túrkınanyń aıtýynsha, shara maqsaty - Elbasynyń «Bolashaqqa baǵdar: rýhanı jańǵyrý» baǵdarlamasyna sáıkes ulttyq ónerimizdi nasıhattap, el ishindegi sheberlerdi kópshilikke tanytý. Kórmege at ábzelderi, túrli kartına, qumyra, kórpe-kópshik, besikterden bastap monshaq, syrǵa, saqına, zergerlik týyndylarǵa deıin qoıylǵan. Bulardyń birqatary EKSPO-2017 kórmesi qonaqtarynyń nazaryna usynylatyn bolady.
Kórmege M.Ótemisov atyndaǵy Batys Qazaqstan memlekettik ýnıversıteti, oblystyq tarıhı-ólketaný mýzeıi, oblystyq balalar-jasóspirimder týrızmi jáne ekologııa ortalyǵy sekildi mekemeler de belsene qatysyp, kelýshilerdi óz ónimderi, kollektsııa, jádigerlerimen tanystyrdy.
Bolashaqta Arbat dep atalatyn osy jerde mundaı kórmelerdi jıi uıymdastyrý kózdelýde.
