Oralda kolledjdiń eki stýdenti tóbelesip, aýrýhanaǵa tústi

ORAL. KAZINFORM — Oral qalasyndaǵy kolledjderdiń birinde oqıtyn eki stýdent shekisip qaldy.

BQO polıtsııa departamentiniń baspasóz qyzmetinen málim etkenindeı, janjalǵa qatysýshylar anyqtaldy. Bir-birine pyshaq jumsaǵan olardyń biri 17 jasta, ekinshisi 18-ge tolǵan.

- Qazirgi kezde QR QK 107-babyna (densaýlyqqa qasaqana aýyrlyǵy ortasha zııan keltirý) sáıkes qylmystyq is qozǵaldy. Eki stýdent te aýrýhanada emdelip jatyr. Tergeý amaldary júrgizilip jatyr, - dep habarlady vedomstvodan. 

Turǵyndardyń sózine qaraǵanda, oqıǵa keshe keshkisin Abaı dańǵyly boıyndaǵy kolledj jataqhanasy aýmaǵynda bolǵan. 
Kúni búgin oqıǵanyń tolyq mán-jaıy anyqtalyp jatyr.

Eske sala keteıik, budan buryn Oralda esirtki saýdasymen aınalysqan eki stýdent qyzdyń ustalǵanyn jazǵan bolatynbyz.