Oralda kolledjdiń 1-kýrs stýdenti joǵalyp ketti
ORAL. QazAqparat – Oralda Batys Qazaqstan ındýstrıaldyq kolledjiniń 1 kýrs stýdenti Darhan Oralbaev joǵalyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, ol 20 qańtar kúni Eýrazııa dańǵyly boıyndaǵy dúkennen shyǵyp ketkennen oralmaǵan.
Anasy, Oral qalasynyń 37 jastaǵy turǵyny 2004 jylǵy ulynyń joǵalyp ketkeni jóninde 28 qańtar kúni polıtsııaǵa habar bergen.
Darhan Dáýrenulynyń boıy 160-165 sm, orta boıly, kapıýshony bar qara kúrte kıgen, shalbary men báteńkesi de qara tústi.
Anasynyń sózine qaraǵanda, uly budan buryn da birneshe ret ketip qalǵan, onyń mekenjaıyn polıtsııa taýyp berip otyrǵan.
Qazirgi kezde polıtsııa qyzmetkerleriniń birneshe toby, eriktiler jáne Ulttyq ulan jaýyngerleri Darhandy izdestirýde.
Jasóspirimniń qaıda júrgeni týraly biletinder bolsa, 102, 92-18-04, 98-41-06, 8 775 717 11 19, 8 707 881 66 66 telefondaryna habarlasýy suralady.
