Oralda kólikten 400 lıtrge jýyq zańsyz alkogol ónimi tabyldy
ASTANA. KAZINFORM — Oralda polıtseıler 400 lıtrge jýyq zańsyz saqtalǵan alkogol ónimin tárkiledi, dep habarlaıdy QR ІІM baspasóz qyzmeti.
Oral qalalyq polıtsııa basqarmasy patrýldik polıtsııa batalonynyń qyzmetkerleri avtokólikterdi tekserý barysynda kólikterdiń birinen alkogol ónimderin zańsyz saqtaý faktisin anyqtady.
— Tekserý kezinde avtokólikten: kólemi 5 lıtrlik 70 bótelke; kólemi 1 lıtrlik 1 bótelke; kólemi 0,5 lıtrlik 12 bótelke jáne basqa da alkogol ónimderi anyqtaldy. Barlyǵy 83 alkogol ónimi tárkilenip, olardyń jalpy kólemi 400 lıtrge jýyq boldy. Jınaqtalǵan materıaldar protsessýaldyq sheshim qabyldaý úshin tıisti organdarǵa joldandy, — deıdi tártip saqshylary.
Polıtsııa qyzmetkerleri alkogol ónimderiniń zańsyz aınalymynyń aldyn alý jáne jolyn kesý, sondaı-aq olardy saqtaý men ótkizýge qatysty belgilengen talaptardyń saqtalýyn qamtamasyz etý baǵytyndaǵy jumystardy jalǵastyrady.
Buǵan deıin onlaın platformalarda alkogol ónimderin satýǵa tyıym salynǵanyna qatysty materıal jazǵanbyz.
