Oralda kólik jóndeý ortalyǵynda 3 avtomobıl janyp ketti

ORAL. KAZINFORM - Oral qalasynyń óndiristik aýmaǵynda ornalasqan kólik jóndeý ortalyǵynda órt shyqty.

BQO TJ departamentiniń baspasóz qyzmetinen málim etkenindeı, órt jóninde sol tustan ótip bara jatqan adam 30 qańtar kúni saǵat 05.58-de habarlaǵan.

Joǵary rang boıynsha jedel jetken órt sóndirýshiler tehnıkalyq qyzmet kórsetý beketinde alty bokstyń úsheýi otqa oranǵanyn anyqtady.

- Órt sóndirýshiler jedel qımyldap, jalynnyń ǵımaratqa túgel taralýyna tosqaýyl qoıdy. Olar eki avtokólikti alyp shyqty. Al úsheýi janyp ketti. Órt 250 sharshy aýmaqta sóndirildi. Avtoservıstiń jalpy aýdany - 480 sharshy metr, - dep habarlady vedomstvodan.

Eske sala keteıik, budan buryn BQO TJ departamentiniń bastyǵy qyzmetinen bosatylǵanyn jazǵan bolatynbyz.