Oralda kólik jýatyn oryn otqa orandy
ORAL. QazAqparat - Oralda búgin «KazConstructionGroup» JShS aýmaǵynda iri ǵımarat otqa orandy, dep habarlaıdy QazAqparat tilshisi.
BQO TJ departamentinen alynǵan málimetke qaraǵanda, Polevaıa kóshesi ½ mekenjaıyndaǵy órt jóninde saǵat 16.05-te habar túsken. Avtojýý men qoımalar ornalasqan ǵımaratta órt aýmaǵy 280 sharshy metrdi qamtyǵan. Oqıǵa ornynda 89 adam 21 tehnıkamen jumys jasady. Órt 17.40-ta oqshaýlanyp, 18.15-te sóndirildi. Metall konstrýktsııalarymen jabylǵan aýmaqtan 49 ballon (15-i ottegi, 34-i propan) shyǵaryldy.
Zardap shekkender joq.
Aıta keteıik, bıyl osyǵan deıin oblys aýmaǵynda 54 órt bolyp, sonyń saldarynan 3 adam qaza tapty. 1 adam jaraqat aldy. Órtten kelgen shyǵyn 5 mln teńgeden asty.
Ótken jyly óńirde 697 órt tirkelip, 11 adam kóz jumyp, 30 adam jaraqat aldy. Órtten kelgen zalal 6 mln 614,327 myń teńgeni qurady.
