Oralda kólik jol belgisine soǵyldy: Úsh adam aýyr kúıde
ORAL. QazAqparat - Búgin tańsáride Oral qalasynda jol apaty oryn alyp, tórt adam jaraqat aldy, dep habarlaıdy «QazAqparat» tilshisi.
Saraıshyq kóshesi boıynda «Zenıt» zaýyty aýdanynda «VAZ 2112» avtokóligi jol belgisine soǵylǵan.
Oblystyq densaýlyq saqtaý basqarmasynyń baspasóz qyzmetinen túsken málimetke qaraǵanda, jaraqat alǵan tórt adamnyń bireýi aýrýhanaǵa jatýdan bas tartqan. Al qalǵan úsheýi qalalyq kópbeıindi aýrýhanada jatyr, jaǵdaılary aýyr, bireýi jansaqtaý bóliminde.
Qazirgi kezde oqıǵanyń mán-jaıy anyqtalý ústinde.
