Oralda kólik qaǵyp ketken 51 jastaǵy áıel kóz jumdy
ORAL. QazAqparat - Oralda búgin avtokólik áıel adamdy qaǵyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin tús áleýetinde Qurmanǵazy kóshesi boıyndaǵy «Oral» qonaqúıiniń aldynda boldy.
Osy mańda joldy kesip ótýge bolmaıtyn jerde ketip bara jatqan 1968 jylǵy áıeldi «Nıssan» avtokóligi aınasymen qaǵyp ketken. Sol kezde artta kele jatqan «Toıota» baıqamaı qulaǵan áıeldi basyp ketken. Sonyń saldarynan ol oqıǵa ornynda qaza tapty.
Oblystyq densaýlyq saqtaý basqarmasynyń baspasóz hatshysy Aınagúl Saqposynova áıeldiń jedel járdem kelgenge deıin mert bolǵanyn jetkizdi.
Qazirgi kezde oqıǵanyń jaı-japsary anyqtalyp jatyr.
