08:20, 18 Shilde 2022 | GMT +5
Oralda kólik apatynan segiz adam mert boldy
ORAL. QazAqparat - Jol-kólik oqıǵasy 18 shilde kúni saǵat 02:45-te Oral qalasyndaǵy aınalma tas jolda, «VenOıl» janarmaı quıý beketine qarama-qarsy jerde boldy, dep habarlaıdy QazAqparat «Moı gorod» portalyna silteme jasap.
Oral qalalyq ІІB jergilikti polıtsııa qyzmetiniń bólim bastyǵynyń orynbasary Konstantın Nedopekınniń oqıǵa ornynda habarlaýynsha, Nissan (kólikte tek júrgizýshi bolǵan) jáne Lada (salonda bes eresek adam jáne eki bala bolǵan) kólikteri soqtyǵysqan.
«Basyp ozý kezinde Nissan júrgizýshisi qarsy jolaqqa shyǵyp ketip, Lada kóligimen soqtyǵysqan. Oqıǵa saldarynan bes adam oqıǵa ornynda kóz jumdy, taǵy úsheýi aýrýhanaǵa jatqyzyldy», - dedi kapıtan Nedopekın.
Keıin esin jımaı, Nissan júrgizýshisi men 10 jáne 13 jastaǵy eki bala aýrýhanada qaıtys bolǵany belgili boldy. Oqıǵa ornynda polıtsııa qyzmetkerleri jol-kólik oqıǵasynyń sebepteri men mán-jaıyn anyqtap, jumysyn jalǵastyrýda.
