Oralda kóktaıǵaqtyń saldarynan 55 adam jaraqat aldy
ORAL. QazAqparat - Oralda qystyń alǵashqy kúnderi kóktaıǵaqtyń áserinen 55 adam jaraqat aldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qalada kóktaıǵaqtyń bolýy osyndaı oqıǵalardyń jıileýine áser etýde.
«Osynshama adam 1-3 jeltoqsan aralyǵynda túrli jaraqatpen qalalyq jáne oblystyq aýrýhanalardyń jaraqat pýnktterine jolyqty. Oǵan qosa eki adamnyń úsiktiń jeńil túrine shaldyqqany anyqtaldy», dedi QazAqparat tilshisine A.Saqposynova.
Aıta keteıik, qalada ótken aptada qar mol túsip, áýeli eridi. Sodan keıin kún kúrt sýytyp, qaıta qatyryp tastady. Sonyń saldarynan kóktaıǵaq oryn aldy.
