Oralda kóktaıǵaqtan jaraqat alǵan adamdar sany 200-den asty
ORAL. QazAqparat - Oralda birneshe kólik soqtyǵysyp, úsh adam jaraqat aldy, dep habarlaıdy QazAqparat tilshisi.
Oqıǵa 6 jeltoqsan kúni saǵat 19.00-dar shamasynda bolǵan. M.Sholohov pen S.Shtyb kósheleriniń qıylysynda qosjúk kóligi jáne «ÝAZ» kóligi soqtyǵysqan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem kóligi oqıǵa ornyna bes mınýttan keıin jetti.
«Jol-kólik oqıǵasy saldarynan 1956, 1959 jáne 1976 jylǵy úsh er adam túrli jaraqat aldy. Úsheýi de qalalyq kópbeıindi aýrýhanaǵa jetkizildi. Olarǵa medıtsınalyq járdem kórsetilip, jaraqattary jeńil bolǵandyqtan, ambýlatorlyq em qabyldaýǵa jiberildi», -dedi QazAqparat tilshisineA.Saqposynova.
Jalpy, oblysta kóktaıǵaqqa baılanysty jaraqat alǵandar sany kóbeıe túsýde. Mysaly, Oral qalasynyń ózinde olardyń sany 200-den asty. Degenmen aýyr jaraqat alǵandar joq. Etin aýyrtyp alý, qolyn syndyrý sekildi zardap shekkender barshylyq.
Eske sala keteıik, óńirde kóktaıǵaqqa baılanysty joldardyń qaıta-qaıta jabylyp, sondaı-aq Oralda buǵan deıin 55 adamnyń jaraqatalǵanyn jazǵan bolatynbyz.
