Oralda kóktaıǵaqta qulap, jaraqat alǵan 60 adam dárigerdiń kómegine júgindi
ORAL. QazAqparat – Oralda kesheden beri 100 adam medıtsınalyq kómekke júgindi, dep habarlaıdy QazAqparat tilshisi.
Oblystyq kópbeıindi aýrýhana qabyldaý bólimshesiniń meńgerýshisi Aqylbek Baqaevtyń aıtýynsha, sonyń 60-y –kóktaıǵaqqa baılanysty jaraqat alǵandar.
Sonyń ishinde aıaq-qolynan, keýdesinen jáne basynan jaraqat alǵan turǵyndar bar. Synyq jaraqatyn alǵandar travmatologııa, mıy shaıqalǵandar neırohırýrgııa bólimshesine jatqyzyldy. Jaǵdaılary ortasha.
«Kóktaıǵaqqa baılanysty zardap shekkender, ásirese, búgin kóbeıip otyr. Túske deıin 35 naýqas medıtsınalyq kómekke júginse, sonyń 28-i – kóktaıǵaq saldarynan qulap, jaraqat alǵandar», dedi A.Baqaev.
Óńirde keshe jańbyr jaýyp, joldar kóktaıǵaqqa aınaldy.
«Qazgıdromet» RMK málimetine qaraǵanda, 13 aqpan kúni de oblystyń keı jerlerinde tuman túsip, kóktaıǵaq bolady. Jaıaý burqasyn kóteriledi. Jeldiń jyldamdyǵy sekýndyna 15-20 metrge deıin jetýi yqtımal.
Eske sala keteıik, budan buryn Batys Qazaqstanda kóktaıǵaqqa baılanysty taǵy da joldar jabylǵanyn jazǵan bolatynbyz.
