Oralda qoqys arasynan egeýquıryqtar shyǵyp jatyr
ORAL. KAZINFORM — Oral qalasynda temirjol vokzaly mańynda qoqystyń úıilip jatqany jóninde áleýmettik jelide beınejazba jarııalandy.
Qala turǵynynyń málim etkenindeı, neshe túrli qoqysty adamdar osy araǵa laqtyryp ketedi. Qansha aıtylǵanymen, PIK-ter, ýchaskelik polıtsııa ınspektorlary, Oral qalasy turǵyn úı-kommýnaldyq sharýashylyq bólimi eshqandaı shara qoldana almaı otyr.
- Osy mańnan balalar alańy qashyq emes. Et, súıek qaldyqtaryn ıtter jep jatyr. Bul jerden egeýquıryqtar da shyǵady. Jalpy, qalada egeýquıryqtardyń kóbeıip ketkeni jóninde turǵyndar habarlasýda. Shuǵyl sharasyn alynbasa, aýrý taraýy da yqtımal, - deıdi qoǵam belsendisi Almagúl Iqsanova.
Atalǵan máselege baılanysty Oral qalasy ákimdigi jaýap berdi.
Ákimdikten alynǵan málimetke qaraǵanda, qazirgi ýaqytta tabıǵat qorǵaý polıtsııasymen birlesip tıisti jumystar júrgizilip jatyr. Naqty mekenjaı anyqtalǵannan keıin Oral qalasynyń turǵyn úı-kommýnaldyq sharýashylyq bólimi tarapynan aýmaqty tazartý jumystary uıymdastyrylady.
- Qala aýmaǵyndaǵy qoqys alańdaryn tazartý jumystary kúnbe-kún júrgiziledi. Sonymen qatar egeýquıryqtardy joıý boıynsha sanıtarııalyq-epıdemıologııalyq baqylaý qyzmetimen jáne basqa da quzyrly mekemelermen birlesip tıisti sharalar qabyldaý máselesi qarastyrylyp jatyr, - delingen resmı jaýapta.
Osyǵan uqsas jaǵdaı Oral qalasyna irgeles ornalasqan Báıterek aýdany Mıchýrın aýylynda anyqtaldy. Turǵyndardyń sózine qaraǵanda, Komsomol jáne Prıdorojnyı kóshelerinde iri turmystyq qaldyqtar úıindisi paıda bolǵan. Egeýquıryqtar shaýyp júr. Mıchýrın aýyldyq ákimdigi tarapynan kómek bolmaı tur.
Kazinform tilshisiniń saýalyna oraı Báıterek aýdany ákimdigi qazirgi kezde aýyl turǵyndarynyń iri kólemdi qoqysty kóptep shyǵarýyna baılanysty atalǵan jerdiń tolyp ketip turǵanyn jetkizdi.
Ákimdik málimetine sáıkes iri kólemdi qoqystardy shyǵarýǵa kelisimshart bar. Aldaǵy 1-2 kúnde alynady. Jalpy, qoqystar jınalǵan ýaqytta ýaqytyly shyǵarylyp turady.
Eske sala keteıik, budan buryn Oralda stıhııalyq qoqys alańynda munaı kompanııasynyń qujattary shashylyp jatqanyn jazǵan edik.
Sondaı-aq Oralda karer sýynyń jasyl túske boıalýy turǵyndardy alańdatty.
