23:43, 11 Mamyr 2024 | GMT +5
Oralda qoqys polıgony órtenip jatyr
ORAL. KAZINFORM - Oral qalasynda Zachagan kentindegi qatty turmystyq qaldyqtar polıgony aýmaǵynda qoqys jandy.
Oral qalasy ákimdiginen túsken málimetke qaraǵanda, oqıǵa 11 maýsym kúni boldy.
«Qazirgi kezde oqıǵa ornynda polıgondy senimgerlik basqarýǵa alǵan „ICM Recycling“ JShS órttiń shetin topyraqpen toltyrý jumystaryn júrgizýde. Órtti joıýǵa TJD kúshi (11 adam, 4 tehnıka) jumyldyryldy. Órt sóndirý jalǵasýda», dep habarlady vedomstvodan.
BQO TJ departamentiniń baspasóz qyzmeti qoqys polıgonynda býldozerler men ekskavatorlardyń jumys jasap jatqanyn jetkizdi.
Atalmysh polıgonda qoqystyń otqa oranýy bir bul emes. Ótken jyldardan beri jalǵasyp keledi.
Turǵyndardyń sózine qaraǵanda, túste bastalǵan órt alystan kórinip, ısi sezilip tur.
