Oralda qoqys konteınerinen tabylǵan shaqalaqtyń anasy izdestirilip jatyr

ORAL. KAZINFORM — Oral qalasynda qoqys konteınerinen tabylǵan shaqalaqtyń anasynyń kim ekendigin anyqtaý jumystary júrgizilýde.

BQO polıtsııa departamentiniń baspasóz qyzmetinen málim etkenindeı, Oral qalasynda 14 tamyzda bolǵan oqıǵaǵa baılanysty sotqa deıingi tergeý amaldary jalǵasýda. 

- Polıtsııamen medıtsınalyq mekemelerde esepte turatyn áıelder tekserildi. Sondaı-aq esepte joq, túrli sebeptermen shyǵyp ketkender de budan tys qalǵan joq. Polıtsııa qyzmetkerleri osy mańdaǵy kópqabatty jáne jeke úılerdi aralap, surastyrdy. Úılerdiń kireberisterinde ornatylǵan beınebaqylaý kameralarynyń beınejazbalary zertteldi. Shaqalaqtyń anasyn izdeý jumysy jalǵasýda. Eger osyǵan qatysty qandaı ma bolsyn aqparatty biletinder bolsa, 102, 8-711-2-98-15-01, 8-775-373-00-94 telefon nómirlerine shuǵyl qońyraý shalýy suralady, - dep habarlady vedomstvodan.

Eske sala keteıik, budan buryn Oralda qoqys konteınerinen shaqalaqtyń denesi tabylǵanyn jazǵan edik.