Oralda qoqys konteınerinen shaqalaqtyń tabylýyna qatysty qylmystyq is toqtatyldy

ORAL. KAZINFORM — Oralda qoqys konteınerinen shaqalaqtyń tabylýyna qatysty qylmystyq is toqtatylǵany málim boldy.

Budan buryn habarlanǵanyndaı, Oral qalasynda kópqabatty úıdiń aýlasyndaǵy qoqys konteınerinen shaqalaqtyń denesi tabylǵan bolatyn.

BQO polıtsııa departamentiniń baspasóz qyzmetinen jazǵandaı, qylmystyq is qozǵalyp, anasyn izdestirý jumystary júrgizilgenimen, onyń mekenjaıy anyqtalǵan joq.

Saraptama qorytyndysyna sáıkes shaqalaq óli týǵan. 

— Atalǵan qylmystyq is boıynsha QR QK 35-babyna sáıkes sotqa deıingi tergeý amaldaryn toqtatý týraly sheshim qabyldandy. Qabyldanǵan sheshim qadaǵalaý organymen kelisildi, - dep habarlady vedomstvodan. 

Eske sala keteıik, budan buryn Oralda qoqys konteınerinen shaqalaqtyń denesi tabylǵanyn jazǵan edik. 

Sondaı-aq Oralda qoqys konteınerinen tabylǵan shaqalaqtyń anasy izdestirilip jatqany habarlandy.