Oralda qoqys konteınerinen shaqalaqtyń denesi tabyldy

ORAL. KAZINFORM — Oral qalasynda shaqalaqtyń denesi tabylýyna baılanysty jedel izdestirý is-sharalary júrgizilip jatyr. 

Turǵyndardyń sózine qaraǵanda, shaqalaq búgin tańmen Zachagan kenti Birlik kóshesindegi kópqabatty úıdiń aýlasyndaǵy qoqys konteınerinen tabylǵan.

BQO polıtsııa departamentiniń baspasóz qyzmeti oqıǵany rastady.

— Qazirgi kezde shaqalaqtyń anasyn anyqtaý maqsatynda jedel izdestirý is-sharalary júrgizilip jatyr. Sot-medıtsınalyq saraptama taǵaıyndaldy. Oqıǵanyń mán-jaıy anyqtalyp jatyr, — dep habarlady vedomstvodan.

Eske sala keteıik, budan buryn Almaty turǵyny jasaǵan quqyq buzýshylyq úshin oraldyq júrgizýshige aıyppul kelgenin jazǵan bolatynbyz.