Oralda qyzylshamen aýyrǵan balalardyń barlyǵy ekpe almaǵan
ORAL. KAZINFORM — Oral qalasynda qyzylshaǵa baılanysty epıdemıologııalyq ahýal turaqsyz bolyp tur.
Oral qalalyq sanıtarııalyq-epıdemıologııalyq baqylaý basqarmasynyń basshysy Gaýhar Dúıseǵalıevanyń óńirlik kommýnıkatsııalar qyzmeti alańynda ótken brıfıngide málim etkenindeı, bıylǵy qańtar aıynan bastap zerthanamen rastalǵan 29 naýqas tirkelgen. Onyń sózine qaraǵanda, sonyń 26-sy – 14 jasqa deıingi balalar. Olardyń barlyǵy ekpe almaǵan.
- Naýqastarmen tyǵyz baılanysta bolǵan 245 adam medıtsınalyq baqylaýǵa alynyp, sanıtarlyq-aǵartý jumystary kúsheıtildi. Uıymdastyrylǵan oryndarda 3 tergep-tekserý júrgizildi. 6 nysan tekserilip jatyr, - dedi G. Dúıseǵalıeva.
Basqarma basshysynyń aıtýynsha, qyzylsha – eń aldymen tynys alý júıesin zaqymdaıtyn, aýa tamshyly jol arqyly juǵatyn vırýstyq ınfektsııa.
Ótken jyldyń qorytyndysy boıynsha qalada balalar birinshi ekpemen 91,7, revaktsınatsııamen 99,9 paıyz qamtyldy. 2025 jyly shaharda qyzylshamen syrqattanǵandar sany 894-ke tómendegenimen, atalǵan dert qazirgi tańda kóbeıip tur.
Eske sala keteıik, budan buryn Batys Qazaqstan oblysynda 25 adamnyń qyzylshamen aýyrǵany rastalǵanyn jazǵan bolatynbyz.
Sondaı-aq BQO-da qyzylshamen aýyrǵan 60-qa jýyq adam aýrýhanaǵa jatqyzyldy.
BQO-da aýrýhanaǵa aýyr jaǵdaıda túsken bala kóz jumdy.