Oralda qyzdyń kópirden sekirýine baılanysty qylmystyq is qozǵaldy

ORAL. KAZINFORM — Oral qalasynda 21 jastaǵy qyzdyń kópirden sekirip ketýine baılanysty qylmystyq is qozǵaldy.

BQO polıtsııa departamenti baspasóz qyzmetiniń naqtylaýynsha, oqıǵa 25 qarasha kúni shamamen saǵat 14.20-da boldy.

«Shaǵan ózenindegi kópir mańynan ótip bara jatyp, polıtsııa qyzmetkerleri, polıtsııa podpolkovnıgi Ernur Berikqalıev pen polıtsııa maıory Arsen Samıev qyzdyń sekirgenin baıqaǵan. Kómekke asyqqan polıtseıler sýdaǵy qyzǵa qutqarý sheńberin laqtyryp, sonyń arqasynda ol qaýipsiz jerge shyqqan. Sodan keıin oqıǵa ornyna qutqarýshylar, jedel járdem brıgadasy jetken. Qazirgi tańda qyzdyń jaǵdaıy jaqsy. Atalǵan derek boıynsha QR QK 105-baby 1-bóligine (ózin-ózi óltirýge deıin jetkizý) sáıkes sotqa deıingi tergeý amaldary júrgizilýde», dep habarlady vedomstvodan.

Eske sala keteıik, budan buryn Oralda 21 jastaǵy qyzdyń kópirden sekirip ketkenin jazǵan bolatynbyz.