Oralda kisi tonap, 44,5 mln-nan astam teńgeni jymqyryp ketkender ustaldy
ORAL. QazAqparat – Oralda kisi tonap, 44,5 mln-nan astam teńgeni jymqyryp ketkender ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa Eýrazııa dańǵyly 49-úıde ornalasqan aqsha aıyrbastaý pýnkti mańynda oryn aldy.
Belgisiz bireýler 28 aqpan kúni saǵat 21.00-de aqsha aıyrbastaý pýnktiniń 1965 jylǵy dırektoryna gaz ballonyn shashyp, aqsha salynǵan qara tústi bylǵary sómkesin alyp ketken.
Keltirilgen zalal 44,513 mln teńgeni qurady.
Jedel izdestirý sharalary barysynda Oral qalasynyń 1994, 1994 jáne 1985 jylǵy turǵyndary anyqtalyp, ustalyp, sot sanktsııasymen qamaýǵa alyndy.
1995 jylǵy tórtinshi kúdikti izdestirilýde.
Kúdiktiler urlanǵan qarjyǵa eki avtomobıl, uıaly telefondar jáne basqa zattar satyp alyp úlgergen.
Qazirgi kezde QR QK 191-baby 4-bóligine (adamdar tobynyń aldyn ala sóz baılasýymen jasalǵan tonaý) sáıkes tergeý amaldary júrgizilýde.
