Oralda kisi óltirýge oqtalý deregi boıynsha tergeý júrgizilýde
ORAL. QazAqparat - Oralda kisi óltirýge oqtalý deregi boıynsha tergeý júrgizilýde, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 29 jeltoqsan kúni Qurmanǵazy kóshesi boıyndaǵy «Karına» kafesiniń janynda bolǵan oqıǵa beınebaqylaý kamerasyna túsip qalǵan.
Beınejazbada jábirlenýshi, 1995 jylǵy A-ǵa kúdikti, 1998 jylǵy S-nyń dene jaraqattaryn salyp jatqany kórinedi.
Atalǵan derek boıynsha QR QK 24-baby 3-bóligi - 99-baby 1-bóligine sáıkes (kisi óltirýge oqtalý) tergeý júrgizilýde. Kúdikti qylmystyń izi sýymaı, sol kúni ustalǵan. Oǵan sot qamaýda ustaý túrindegi bultartpaý sharasyn sanktsııalady.
«Atalmysh beınejazba Aqsaı qalasynda kolledj stýdentin pyshaqtap óltirý kórinisi retinde áleýmettik jelilerde taralýda. Munyń ol oqıǵaǵa qatysy joq», dep habarlady departamenttiń baspasóz qyzmeti.
Eske sala keteıik, keshe Aqsaıda kolledj stýdentin pyshaqtap óltirgen kúdiktiniń de ustalǵanyn jazǵan bolatynbyz.
