Oralda kisi óltirýge qatysy bar kúdikti ustalyp, qamaýǵa alyndy
ORAL. QazAqparat - 19 qyrkúıek kúni keshkisin, saǵat 22.00-de «Vıshenka» saıajaı qoǵamyna qarasty saıajaılardyń birinen qudyqqa tastalyp, ústinen beton quıylǵan 1980 jylǵy S. esimdi er adamnyń múrdesi tabyldy.
BQO ishki ister departamentiniń baspasóz qyzmetinen túsken málimetke qaraǵanda, marqumnyń denesinde zorlyqpen óltirýdiń belgileri bolǵan.
Jedel izdestirý sharalary barysynda atalǵan iske qatysy bar kúdikti ustalyp, Oral qalalyq ishki ister basqarmasynyń ýaqytsha ustaý ızolıatoryna qamaldy.
Atalǵan derek boıynsha QR Qylmystyq is júrgizý kodeksiniń 128-babyna sáıkes qylmystyq is qozǵalyp, tergeý amaldary júrgizilýde.
