Oralda kisi óltirgen kúdikti izdestirilip jatyr

ORAL. QazAqparat – Oral qalasynda kisi óltirgen kúdikti izdestirilip jatyr, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 2 qyrkúıek kúni saǵat 23.45-te S.Tıýlenın kóshesi boıynda boldy.

Belgisiz adam 1989 jylǵy turǵynǵa pyshaq jaraqatyn salǵan. Sonyń saldarynan er adam oqıǵa ornynda jedel járdem kelgenge deıin qaza tapty.

«Qazirgi kezde jedel izdestirý is-sharalary júrgizilýde. Basqa málimet tergeý múddesine sáıkes jarııa etilmeıdi», dep habarlady departamenttiń baspasóz qyzmeti.

Marqumnyń týysqandarynyń sózine qaraǵanda, onyń sońynda áıeli, tórt balasy qaldy.

Eske sala keteıik, budan buryn BQO-da tok soqqan 36 jastaǵy er adamnyń mert bolǵanyn jazǵan edik.