Oralda kisi óltirdi degen kúdikpen ustalǵan azamat eki aıǵa qamaýǵa alyndy
ORAL. QazAqparat - Oral qalalyq soty «Vıshenka» saıajaıynda tabylǵan er adamnyń múrdesi boıynsha ustalǵan S. degen kúdiktini eki aıǵa qamaýǵa alý túrinde bultartpaý sharasyn sanktsııalady.
Qalalyq sottan túsken málimetke qaraǵanda, qazirgi kezde QR QK 99-baby 1-bóligi boıynsha qylmystyq is qozǵalyp, tergeý amaldary jalǵasýda.
Eske sala keteıik, 19 qyrkúıek kúni keshkisin, saǵat 22.00-de «Vıshenka» saıajaı qoǵamyna qarasty saıajaılardyń birinen qudyqqa tastalyp, ústinen beton quıylǵan 1980 jylǵy S. esimdi er adamnyń múrdesi tabylǵan bolatyn. Jedel izdestirý sharalary barysynda polıtseıler kúdiktini kóp uzamaı qolǵa túsirgen edi.
