Oralda kisi qanyn júktegender 16 jylǵa sottaldy
ORAL. QazAqparat - BQO qylmystyq ister jónindegi mamandandyrylǵan aýdanaralyq sotynyń 24 shildedegi úkimimen Elena ıAlfımova men Nıkolaı Berejnoı QR QK 99-baby 2-bóligi 7-tarmaǵyna sáıkes aıypty dep tanyldy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, sot talqysynda belgili bolǵanyndaı, E.ıAlfımova bıylǵy 9 sáýir kúni shamamen saǵat 03.00-de óziniń kishi sińlisiniń sezimine selkeý túsirdi degen sebeppen uıyqtap jatqan ıÝ.Kovalevtiń bólmesine kirip, sheke tusynan tergeýde anyqtalmaǵan doǵal zatpen eki ret urǵan. Sodan keıin soqqydan esinen tanǵan ıÝ.Kovalevtiń ústinde otyryp, DVD únjazbasynyń symymen moınynan qylǵyndyrǵan. ıÝ.Kovalev qarsylasqan kezde ózimen birge turatyn N.Berejnoıdy kómekke shaqyrady. N.Berejnoı E.ıAlfımovaǵa kómektesip, jábirlenýshi jan tapsyrǵansha, aıaǵyn ustap otyrǵan. Kelesi kúni atalǵan ekeý qylmystyń izin jasyrý maqsatynda marqumnyń múrdesin Zelenov aýdany Asan aýyly mańyndaǵy Shaǵan ózeni jaǵalaýyna aparyp tastaǵan.
Sot úkimimen E.ıAlfımova men N.Berejnoıǵa 16 jyl bas bostandyǵynan aıyrý jazasy kesildi.
Sot úkimi zańdy kúshine engen joq.
