Oralda kisi qaǵyp, qashyp ketken júrgizýshi ustaldy
ORAL. QazAqparat - Oralda avtokóligimen adamdy qaǵyp ketip, oqıǵa ornynan boı tasalaǵan júrgizýshi ustaldy, dep habarlaıdy «QazAqparat» tilshisi.
BQO ІІD jergilikti polıtsııa qyzmetinen túsken málimetke qaraǵanda, 29 maýsym kúni saǵat 02.20-da belgisiz júrgizýshi avtokóligimen M.Sholohov pen S.Tıýlenın kósheleriniń qıylysynda retteletin jaıaý júrginshi jolymen ótip bara jatqan 1984 jylǵy Sh. degen azamatty qaǵyp ketken. Sonyń saldarynan Sh. oqıǵa ornynda kóz jumsa, júrgizýshi qashyp ketken.
Avtokóliktiń markasyn anyqtaýǵa beınebaqylaý kamerasy múmkindik berdi. Іzdestirý jumystary nátıjesinde osy oqıǵaǵa qatysy bar B. degen azamat ustalyp, ol kinásin moıyndady. Júrgizýshi avtokóligin basqa úıdiń aýlasyna jasyryp qoıǵan.
Qazirgi kezde avtokólik arnaıy turaqqa qoıylyp, B-dan eshqaıda ketpeý jóninde qolhat alynyp, tergeý amaldary júrgizilýde.
Aıta keteıik, jyl basynan beri jol-kólik oqıǵasy ornynan boı tasalaǵany úshin 236 júrgizýshi ákimshilik jaýapkershilikke tartyldy.
