Oralda kishkentaı bala 5-qabattan qulap ketti
ORAL. QazAqparat – Oralda kishkentaı bala 5-qabat terezesinen qulap ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 1 maýsym kúni Zachagan kentindegi M.Móńkeuly 93-mekenjaıynda boldy.
Saǵat 15.10-de ata-anasynyń qaraýynsyz qalǵan 2018 jylǵy ul bala 5-qabattan qulap ketkeni jóninde habar túsken. Ashyq bas-mı jaraqatyn alyp, bas súıegi synǵan bala es-tússiz kúıinde aýrýhanaǵa jatqyzyldy.
BQO densaýlyq saqtaý basqarmasy balanyń saǵat 15.40-ta kóz jumǵanyn jetkizdi.
BQO polıtsııa departamentiniń baspasóz qyzmeti de 2,5 jastaǵy balanyń besinshi qabattan qulap, qaıtys bolǵanyn rastady.
Eske sala keteıik, budan buryn Oralda 3 jasar balanyń tórtinshi qabattaǵy terezeden qulap ketkenin jazǵan bolatynbyz.
